Tajribali it barsni tutib yer,

Qochar tulkidan jang ko‘rmagan sher.

* * *

Shon-shavkat yuksak maqsad sari intilganning mulkidir.

* * *

Ikki do‘st turarkan yelkama-elka,

Tog‘larni ham oson aylaydi tilka.

* * *

To‘g‘rilikdan kelmish hamma yaxshi ot,

Egrilikdan foyda ko‘rmadi bir zot.

* * *

Qayda ravshan bo‘lsa to‘g‘rilik nuri,

Egrilik so‘nadi, quriydi sho‘ri.

* * *

Tirik qolib g‘anim bo‘lgandan shodon,

Sharaf bilan o‘lish yaxshiroq chandon.

* * *

O’zining aybini bilganda odam,

Boshqalar aybini so‘zlamasdi ham.